मना सज्जना- स्वतःचं मन सांभाळा

मन शांत ठेवणं ही गरज आहे

आपण रोजच्या आयुष्यात खूप काही सांभाळतो.
काम, घर, नाती, जबाबदाऱ्या, अपेक्षा.
या सगळ्यात आपण एक गोष्ट विसरतो.
ती म्हणजे स्वतःचं मन सांभाळणं. 

मन शांत ठेवणं ही आजच्या काळात गरज बनली आहे.
कारण बाहेरचा गोंगाट वाढलाय.
आणि आतला आवाज मात्र दबला जातोय.

आपण सतत काहीतरी साध्य करण्याच्या मागे धावतो.
थांबलो तर मागे पडू अशी भीती वाटते.
पण या धावण्यात मन दमून जातं.
आणि दमलेलं मन चांगले निर्णय घेत नाही.

मन शांत नसलं की लहान गोष्टी मोठ्या वाटू लागतात.
थोडंसं दुर्लक्षही बोचायला लागतं.
एखादं वाक्य खोलवर जाऊन बसतं.
आणि मग आपण नकळत चिडचिडे होते.

मन शांत ठेवायचं म्हणजे समस्या नसाव्यात असं नाही.
तर समस्यांकडे पाहण्याची दृष्टी बदलायची.
सगळं आपल्या हातात नसतं हे स्वीकारायचं.
आणि जे आपल्या हातात आहे त्यावर लक्ष द्यायचं.

दररोज मनावर कितीतरी विचारांची गर्दी जमते.
सगळ्यांना आत प्रवेश द्यायची गरज नसते.
काही विचार दारातच थांबवता येतात.
काही भावना थोडा वेळ बाजूला ठेवता येतात.

मन शांत ठेवण्यासाठी मोठे उपाय नकोत.
लहान सवयी पुरेशा असतात.
दिवसातून पाच मिनिटं शांत बसणं.
फोन बाजूला ठेवून एक दीर्घ श्वास घेणं.

स्वतःशी दोन शब्द बोलणं.
आज काय त्रास देतंय हे ओळखणं.
सगळं सुटेलच असं नाही.
पण मनाला आधार मिळतो.

मन शांत झालं की जग बदलतं नाही.
पण जगाकडे पाहण्याची आपली दृष्टी बदलते.
आणि कधी कधी.
हेच पुरेसं असतं. Thanks Google For Photo.